LEGO Review | $200集齊黑武士+皇帝！

75183 Darth Vader™ Transformation

Photo credit: shop.lego.com

產品資料 
推出日期: 2017年，夏
零件數量: 282件
內含人仔: 3人仔 及 3醫療機械人
價錢: HK$210
發售商店: 80’s Shop

簡介

‘Where is Padmé? Is she safe? Is she all right?’

‘It seems, in your anger, you killed her.’

‘I? I couldn't have. She was alive! I felt it!’

'No!’

踏入2019年，終於先入手呢套經典嘅Star Wars場景—安納金·天行者在穆斯塔法星(Mustafar)與歐比旺·肯諾比的決鬥中身負重傷，隨後大難不死的被西斯大帝救回科洛桑並改造，搖身一變世人熟悉嘅黑武士。

成套嘢折舊後喺荃灣賣$210，最平就唔夠膽講，但相比起大型LEGO舖甚至乎LEGO certified store，就一定更加抵玩。

Pack 1 同 pack 2 加埋總共282件，數量並非十分之多。兩pack分別砌底部同上面另一部份。成個設計機關只有黑武士嘅手術台。整體難度不高，平日好少砌LEGO嘅我都只係用咗42分鐘左右。

有乜咁特別?

呢套嘢最過過癮梗係黑武士嘅手術台—有機關可以控制手術台嘅轉換，即刻由燒到甩皮甩骨嘅安納金變成經典嘅黑武士。而且重可以控制支架重演電影傳奇一幕，為黑武士戴上頭盔。

當然，場境還原度其實頗低。但套嘢個重點又點會係個手術室道呢?身為LEGO Star Wars系列嘅擁躉，人仔嘅收藏先至係靈魂！

黑武士同皇帝無疑係成套嘢嘅重點！黑武士身體嘅印刷十分仔細，頭盔等配件嘅手工都好精緻，輪廓分明。今次版本中嘅黑武士建立喺Ep3，遠比Ep6早，亦更年輕，再加上時間線設於穆斯塔法星一役之後極短嘅時間之後，黑武士嘅臉又經典嘅白色蒼老臉改為喺穆斯塔法星嚴重燒傷嘅樣。呢個獨一無二嘅設計令此版本嘅黑武士更具收藏價值；皇帝人仔嘅設計反而冇乜大修大改，佢唯一與其他西斯唔同，佢把光劍依然係金色。

右邊就係喺穆斯塔法星嚴重燒傷嘅安納金，係第一次問世，因此都有一定嘅收藏價值。佢嘅臉部同黑武士無分別。另外重有三個醫療機構人，同只係電影裡冇乜戲份嘅綠葉，甚至可以自行組裝，身價自然唔高。

總括嚟講，75183最大嘅賣點就係黑武士同皇帝。一盒二百幾港紙嘅75183就可以收藏到黑武士、皇帝、燒傷嘅安納金三隻人仔已經好滿足。

2018又匆匆離去，又係時候入返2017、18跌曬價嘅舊貨！